Тӱвыра министерствым вуйлатыше Бахчисарайысе Хан полатыште балетым ончыкташ шона

           Тӱвыра министерствым вуйлатыше Бахчисарайысе Хан полатыште балетым ончыкташ шона. Правительстве вуйлатышын алмаштышыже, тӱвыра министр Константин Иванов Хан полатыште «Бахчисарайский фонтан» балетым ончыкташ да тушто Гирей хан тӱҥ рольым модаш шонымыжо нерген ТАСС-лан увертарен. Эрик Сапаев лӱмеш Опера да балет академический театр руш да совет композитор, пианист Сергей Прокофьевлан пӧлеклалтше Крымыште эртыше опера да балет фестивальыште участвоватла. Иванов марий театрын художественный вуйлатышыже да кызытат куштышо балет артист улеш. Крымысе тӱвыра министр дене мутланыме. Тушто кызыт реставраций кая.  Тудын мучашлалтмекыже ме проектым илышыш шыҥдарена. Тиде мыйын да пӱтынь труппын шукертсек шонен коштмашыже. Тиде кугу мероприятий лийшаш. Бахчисарайыште ом кушто гын, сцене гыч ом кай, - палемден Иванов. Тиде балетын премьерыжым Марий театр 2020-шо ийын сентябрьыште ончыктен. Иванов тудын постановщикше лийын да тӱҥ рольым- Хан Гирейым модын.
           Фото: operaballet.net