Марий Эл «Кугу Юл» проектым ямдылымаште участвоватла

           Марий Эл «Кугу Юл» проектым ямдылымаште участвоватла. Марий Эл дене пырля тушто 13 регион лиеш. Нуно турист схемым ыштат. Тиддеч ончыч Марий Элыш паша визит дене «Кугу Юл» макротерриторийым вияҥдыме шотышто проектын экспертше- влак толыныт ыле. Нуно республикын турист куатшым шымленыт, тӱҥ турист вер- влакым, кумылым савырыше площадкылам онченыт, Юриныш, Козьмодемьянскыш, Йошкар-Олаш миеныт. Визит кышкарыште Правительстве председательын алмаштышыже Дмитрий Троицкий дене вашлийыныт да «Кугу Юл» проект кышкарыште яллам вияҥдыме шонымаш- влакым каҥашеныт. Эксперт- влакын шонымышт почеш у турист схеме регионын турист йӧнжым тичмаш почаш, тушто путешествийлан йӧнан кумдыкым ышташ, идалык мучко тӱрлӧ турист полышым саемдаш, тӱрлӧ сынаным ышташ полша. Турсхема макротерриторийын кажне регионжылан ойыртемалтше турист темлымашым рашемда, 2030-шо ий марте туризмым вияҥдыме цельым палемда, инфраструктура мероприятийын кугытшым акла.
             Фото: Марий Элым вуйлатышын  администрацийжын увер дене пашам ыштыше пӧлкаже.