Марий Элым вуйлатыше республикысе вӱдышӧ вуз- влакын ректорышт дене вашлийын
Марий Элым вуйлатыше республикысе вӱдышӧ вуз- влакын ректорышт дене вашлийын. Александр Евстифеев Марий университетын ректоржо Михаил Швецов да Юлтехын вуйлатышыже Игорь Петухов дене у тунемме ийлан ямдылалтме йодышым каҥашеныт. Тиддеч посна нуно республикышкына Российысе шанче да кӱшылшинчымаш министрын алмаштышыже Сергей Люлинын толшашыж нерген йодышым тарватеныт. МарГУ-н ректоржо палемден: пандемийлан кӧра тунемаш пураш йодмашым налме жапым изиш шӱкалме да абитуриент- влакым возымо пашам виктарыме нерген ойлен. Ончыкылык абитуриент- влаклан сай йӧным ыштыме. Уверым личнык кабинет гоч налаш лиеш. Университетыш онлайн тунемаш пураш лиеш. Игорь Петухов палемден: Юлтехыш икымше курсыш тений кум тӱжем еҥым налаш палемдыме. Приём график почеш шукталтеш. Кок вуз ваш келшен пашам ыштат. Тидыже абитуриент- влаклан икгай йӧным ышташ полша. Марий Элым вуйлатыше вузлаште бюджет верым ешараш кӱлеш манын каласен. Россий мучко бюджет вер 9 процентлан ешаралтеш. Республикыштат тыгак ышташ кӱлеш манын Александр Евстифеев. Юлтехыште 100 бюджет вер ешаралтеш. Михал Швецов увертарен: Сергей Люлин республикыш5-ше августышто толшаш. Чыла организационный йодышым шотыш налме. Опорный вуз предприятий- влак дене шанче кылым кучымыжым ончыктышаш. Кок университетшат икте –весылан полшен, чолган вияҥшаш улыт,- каласен Александр Евстифеев.