Кугурак тукымлан приём арня лиеш
Россий пенсий фондын Марий Элысе пӧлкаже кугурак тукымлан эртарыме приём арняште участвоватла. ПФР пӧлка 26-шо гыч 30-шо апрель марте кугурак тукымлан социал да право йодыш дене вашлийме арням эртара. Тудым Дмитрий Медведевын регионысо мер приёмныйжо эртара. Тудо дистанций режим дене лиеш. Арня мучко пенсий фондын специалистше- влак 10 гыч 13 шагат марте республикысе калыкын йодышыжлан телефон дене вашешташ тӱҥалыт. Кумылан- влак ПФР-ын тӱрлӧ корно дене шуктымо пашаж нерген уверым налын кертыт. Приёмныйын телефонжо: 63-00-39.