Эрла Марий Эл Кугыжаныш Погынын 17-ше сессийже почылтеш
Марий Эл Кугыжаныш Погынын 17-ше сессийже эрла почылтеш. Тудын повесткышкыже 18 йодышым пуртымо. Депутат- влак кокымшо лудмаште «Марий Элын Конституцийышкыже тӧрлымаш- влак нерген» законым каҥашат, Йошкар-Оласе 10-шо суд участкын мировой судьяжым палемдышаш, Марий Эл Правительство председательын алмаштышыже да ял озанлык министр должностьыш темлыме кандидатуро- влакым кутырен келыштарыме процедурым мучашлышаш улыт. Тиддеч посна депутат- влак «Цифран финанс актив да цифран валюта шотышто икымняр йодышым виктарен колтымо нерген» у законын проектшым каҥашат. Повестке дене келшышын, сессийыште Айдемын праваже шотышто уполномоченный кодшо ийысе пашам иктешлыме докладым ышта.