Марий Элым вуйлатыше ден «Вымпел» ушемым вуйлатыше МарГУ-што шанче да тунемме аудиторийым почыныт

                    Марий Элым вуйлатыше ден «Вымпел» МАК» акционер ушемын генеральный директоржо Марий университетыште шанче да тунемме аудиторийым почыныт. «Вымпел» МАК» Российын ядерный щитшын ӱшанлыкшым ыштыше аппаратурым да программым 70 ий утла ямдылыше корпораций улеш. Аудиторийым почмаште Марий Элым вуйлатыше Александр Евстифеев, «Вымпелын» генеральный директоржо Сергей Боев, МарГУ-н ректоржо Михаил Швецов лийыныт. Тиде проектын ойыртемже: тудым шыҥдарымаште регионласе тунемме тӧнеж- влак гына огыл, вӱдышӧ предприятий- влакат участвоватлат. Тидын нергенак Президент Владимир Путин шке Посланийыштыже ойлен ыле. Лач регионысо вузлаште шукырак бюджет верым ойыраш кӱлеш манын, тушто выпускник- влак моткоч кӱлешан улыт. Тений гыч элысе 100 деч шагал огыл вуз студент технопаркым, бизнес-инкубаторым почаш, тунемме да лабораторий базым, программым уэмдаш 100 миллион теҥге деч шагал огыл грантым налаш тӱҥалыт. Республикынат кодшо ийын вузлаште бюджет верлам ешарыме дене ончыл радамыш логалын ыле. Марий Элым вуйлатыше генеральный директорлан республикысе туныктымо системыш надырым пыштымыжлан тауштен ойлен. «Вымпел» «Алмаз-Антей» группо радамыш пура. Тудыжо военно-промышленный производствын, оборона комплексын флагманже улеш. Тудын туныктымо пашашке ушнымыжо пеш кӱлешан. Александр Евстифеев школышто тунемше, студент да туныктышо- влаклан лектышан пашам тыланен да тауштымашан серышым кучыктен. Тудым инженер класс- влакын кураторышт, МарГУ-н робототехнике рӱдержым вуйлатыше Александр Большаков, 28-ше лицейыште тунемше Михаил Бакулевский, «Бауманский» лицейыште тунемше Тимур Харин налыныт.