«Газпром межрегионгаз» ден Марий Эл Правительство республикым газифицироватлыме йодышым каҥашеныт

                  «Газпром межрегионгаз» ден Марий Эл Правительство республикым газифицироватлыме йодышым каҥашеныт. Газым пуртымо да газым ситарыме йодыш дене пашаче группын икымше заседанийже эртен. Тушто «Газпром» ПАО-н, «Газпром межрегионгаз» компаний- влак группын да Марий Эл Правительствын еҥышт лийыныт. Видеоконференц-кыл режим дене нуно пӱсын шогышо йодыш- влакым ончен лектыныт. Республикым газифицироватлыме программым 2025-ше ий марте пеҥгыдемдыме. Тудын дене келшышын, Газпром вич ийыште ныл миллиард наре теҥге оксам ойырышаш. Посёлкыла кокласе  260 меҥге кужыт 17 газпучым чоҥаш да 58 илемыш газым пурташ палемдыме. Правительство посёлкыла кӧргысӧ газ пучым чоҥаш, кум тӱжемат 870 пачер ден пӧртым газ деке ушаш, 14 котельныйым газым налаш ямдылаш полша. Тений Звенигово, Советский, У Торъял, Оршанке районлаште газ пучымо чоҥымо пашаш шукталтеш. Морко, У Торъял, Звенигово районлаште вич пучлан проектым ышташ тӱҥалыт.