Чарла Кремль Кугече ярмингаш ӱжеш, а тӱвыра колледж- концертыш

                 Йошкар-Оласе Чарла Кремльыште 9-ше майыште Кугече ярминга лиеш. Тудо 10 шагатлан тӱҥалеш да 16 шагат марте шуйна. Торжественно почмаш 13 шагатлан лиеш. Туддеч вара Сеҥымаш кечылан пӧлеклалтше пайрем концерт тӱҥалеш да ятыр мероприятий вуча: мастер класс, пучымыш ден чай, курчак спектакль, модмаш да хоровод, чаҥ йӱк фестиваль. Чыла тидым руш тӱвыра рӱдер ямдыла.
                  А Волгыдо Кугечылан пӧлеклалтше концерт 17-ше майыште 18 шагатлан лиеш. Митрополитын сугыньлымыж почеш, тудо Палантай лӱмеш тӱвыра да сымыктыш колледжын Пушкин уремысе концерт залыштыже эрта. Тушко оксам тӱлыде пураш лиеш. Шке программыштым йоча сымыктыш школ, академический сем факультетын студентше ден туныктышыжо- влак ончыктат.