Марий Элым вуйлатыше Владимир Путинын Федерал собранийлан ыштыме посланийже деч вара кӱштымаш- влакым пуэн

                   Марий Элым вуйлатыше Российын Президентше Владимир Путинын Федерал собранийлан ыштыме посланийже деч вара кӱштымаш- влакым пуэн. Теҥгече тудо Правительствын заседанийжым эртарен. Тушто тудо регионын ойыртемжым шотыш налын, Посланийым илышыш шыҥдарыме шотышто задаче- влакым рашемден. Тидын шотышто исполнительный кучем орган- влак промышленность, экономически вияҥмаш да торговля министерствыш посланийым шыҥдарыме мероприятий- влакын перечньыштым пуышаш улыт. Туныктыш министерстве икшыван еш- влаклан йочаштын кеҥеж канышыштылан путёвкын пел акшым компенсироватлыме нерген правовой документым ямдылаш, профессионал туныктымо тӧнежлан класс вуйлатышыштлан (кураторыштлан) окса полышым пуаш ямдылалтме пашам эртараш кӱштымӧ. Кыдалаш профобразований тӧнежлаште кураторын сомылжым 583 туныктышо шукта. Нуно икымше сентябрь гыч вич тӱжем теҥгем налаш тӱҥалыт. Тыгак министерстве 2024-ше ий марте ныл школым чоҥымо шотышто федерал субсидийым пуашлан проект- влакым ойырен налшаш улеш. Юбилейный микрорайонышто 825 верлан, Восточный ден 9-ше Б микрорайонлаште тӱжемат 100 верлан да Руэм посёлкышто 725 верлан школым чоҥаш проектым ойырен налман. Йоча- влакым школыш шупшыкташ 78 автобусым налаш йодмашым Российысе транспорт министерствыш колтыман. Туризм дене кылдалтше проект- влак шотыштат икмыняр кӱштымашым пуымо. Тӱвыра министерствылан проектлашке ушнаш, ялласе  книгагудо, тоштер, тӱвыра пӧрт- влаклан проект да смете документацийым ямдылыме, тӱвыра да сымыктыш дене профориентаций пашам вияҥден колташ задачым шындыме.