Оласе калыкым «Башньым» почмашке ӱжыт

                   Оласе калыкым «Башньым» почмашке ӱжыт. Шушаш кугарнян, 30-шо апрельыште, Йошкар-Олаште «Башня» Тӱвыра да ончер рӱдерым официально почыт. Тудо шке пашажым  «Мариэльцы» интерактивный ончерым почмаш гыч тӱҥалеш. Проектым Евсеев лӱмеш калыкле тоштер ямдылен. Тоштерын пашаеҥже- влак калык деч йодыштмашым эртарымышт годым рашемденыт: тыгай проект Республикысе калыкын тӱвыра потенциалжым у кӱкшытыштӧ ончыкташ йӧным пуа. Рӱдерым ыштымаште самырык фотограф, сӱретче, актёр, музыкант, режиссёр, дизайнер- влак участвоватленыт. Тыге рӱдер тыглай форма да стандарт деч кораҥын, у йӧным кучылтеш. Кызытак «Башньыште» СНГ элла гыч сӱретче- влакын пашаштым вераҥдыме.
Фото: https://www.marimedia.ru/