Волжскышто ече роллер трассым тӱзландараш тӱҥалыныт
Волжскышто ече роллер трассым тӱзландараш тӱҥалыныт. Волжск оласе физический культура да спортым вияҥдыме рӱдерын стадионыштыжо трассын ужашышкыже асфальтым шарат. Оксам Марий Элын правительствыже ойырен. Ече роллер трассым кызытеш «Тазалык» тротуар манын лӱмдымӧ. Тушто тернировкым эртараш тӱҥалыт, оласе калык каналтен коштеш. Тыгай верым ыштымаш спортсмен- влакым ямдылыме пашам у кӱкшытыш нӧлталаш полшышаш. Тымарте ечызе- влаклан кеҥежым тренировкым эртараш пошкудо Зеленодольскыш кошташ верештын. Ынде у верыште чылан мучалтен кертыт, роллер да самокат денат. Кужытшо ик меҥге лиеш. Июль марте ыштен шуктышаш улыт.