Субботникыш тӱрлӧ ийготан да профессиян еҥ- влак ушненыт

                      Субботникыш тӱрлӧ ийготан да профессиян еҥ- влак ушненыт. Нунын радамыште пашаче коллектив, мер пашаеҥ, самырык да ветеран ушем, виктарыше компаний да кумылан еҥ- влак лийыныт. Йошкар-Олаште инициативный группылан посна участкым ойырымо. Тушко посна палемдыме да лӱмын ойырымо троллейбус коштыктен. Йошкар-Оласе Сеҥымаш Парк рӱдӧ площадкыш савырнен. Тушто мероприятийым почмаште олан мэрже Евгений Маслов лийын да шкеат пашашке пижын. Тыгак «Лукозым» вуйлатыше Владимир Кожанов, МарГУ-н ректоржо Михаил Швецов лийыныт. Субботникыш кугурак ийготан- влакат лектыныт. Пограничник- ветеран- влак Машиностроитель уремысе скверыште порядкым ыштеныт. Тӱвыра пашаеҥ да книгагудышто тыршыше- влак мер тӧнежла воктене эрыктеныт. Журналист- влакат уло кумылын ушненыт.