Советский район гыч тунемше Российысе олимпиадыште сеҥышыш лектын

                  Советский район гыч школышто тунемше географий дене Россий кӱкшытан олимпиадын иктешлыше йыжыҥыштыже призёр лийын. Тудо Липецкысе Семёнов- Тян-Шанский лӱмеш кугыжаныш педагогик университетыште эртен. Элысе 65 субъект гыч 263 тунемше шинчымашыжым терген. Олимпиадын лектышыже почеш Советский посёлкысо 3-шо номеран школын 11-ше классыштыже тунемше Алексей Виногоров призёр лийын. Пытартыш ийыште тудо Ломоносов лӱмеш Москосо университетыште, Санкт-Петербургысо кугыжаныш университетыште, Мордовийысе кугыжаныш университетыште да Руш географий обществын чемпионатыштыже сеҥыше лийын. Тудо шке илышыжым географий дене кылдынеже да Моско университетын географий факультетышкыже тунемаш пураш шона.

Фото: gg12.ru