Таче 12.городсреда.ру специальный платформышто тӱшка кумдыклам тӱзландарыме шотышто йӱклымаш тӱҥалын

                    Таче 12.городсреда.ру специальный платформышто  «Йӧнан- Оласе кумдыкым ыштымаш» федерал проект кышкарыште тӱшка кумдыклам тӱзландарыме шотышто йӱклымаш тӱҥалын. Вич арня жапыште республикысе калык онлайн-режим дене вес ийын тӱзландарышаш кумдык-влак верч йӱклен кертеш. Йӱклымашке Йошкар-Олаште 19 кумдыкым, Козьмодемьянскыште 9-ым, Волжскышто 3 тӱшка верым пуртымо. Йӱклымаш 30-шо май марте шуйна. Кугыжаныш полыш гоч илыме вер кундемыште ик вер верч йӱклаш лиеш, телефон номер гоч регистрироватлалтме годым республикысе кеч- могай кумдык верч шке йӱкым пуаш лиеш. Рейтинг йӱклымаште волонтёр- влак полшат. Нуно МФЦ-лаште, кугу ужалкалыме рӱдерлаште, парк ден тӱвыра пӧртлаште, пазарыште лийыт. Нуным вурегмышт да проектын символикыж гоч палаш лиеш.