Таче- вашке полыш пашаеҥ- влакын кечышт

                       Таче вашке полыш пашаеҥ- влакын кечышт палемдалтеш. Медицина вашке полыш станцийын пашаеҥже- влакым Республикым вуйлатыше Александр Евстифеев профессионал пайремышт дене саламла. Таче ме Вашке полышын врачше, фельдшерже, диспетчерже да водительже- влакым чапландарена. Тендан пашада аклаш лийдыме. Тудо профессионализмым, чытымашым, ответственностьым, неле йӧныштӧ пашам ыштен моштымашым, чын решенийым писын ыштен кертмым йодеш. Молан манаш гын, тидыже айдемын илышыже дене кылдалтын. Республикысе Вашке полыш станцийыште 900 наре еҥ тырша. Пандемий жапыште медицина пашаеҥ- влаклан пеш неле паша логалын, ӱжмаш ешаралтын, шке тазалыкым чаманыде тыршаш логалын. Вашке полышлан Кугыжаныш полышым пуымо шотышто кугу паша ышталтеш. 19-ше ийыште 12 у реанимобильым налме, кодшо ийын эше 10 машинам кондымо. Ӱмаштак эше 20 вашке полыш машинам налме. Вашке полышын чыла пашаеҥжым илыш- влакым арален кодымылан, тыршен пашам ыштымылан, профессийлан ӱшанле улмылан тауштем. Тек пашаштыда неле жапше шагалрак, ласка дежурствыжо шукырак лиеш, - ойлалтеш республикым вуйлатышын саламлымашыштыже.