Верласе тӱналтышлан полшышо проект- влак чулымын шыҥдаралтыт
Янган ял ден Азаново селаште верысе инициативылан полышым пуымо кышкарыште мом ыштыме? Кӧргӧ политике министерствын увертарымыже почеш, республикыште верласе тӱналтышлан полшышо проект- влак чулымын шыҥдаралтыт. Курык марий районысо Троицко-Посад ял илем тений «Янган ялыште каныме кумдыкым тӱзландарымаш да ужартымаш» проектым илышыш пурта. Кызыт тушто изи архитектур формо- влакым вераҥдыме, тротуарым ыштыме, кушкылым шындыме да тул волгыдым пуртымо. Медведево районысо Азаново ял илемыште «Мыйын кудывечем- йӧнан кумдык» проект шыҥдаралтеш. Тудын кышкарыште Советский уремысе 9-ше номеран шуко пачеран пӧрт кудывечым тӱзландарыме, пурымо корным олмыктымо, парковкым ыштыме, уремыште тул волгыдым ыштыме.
Фото: Курык марий районысо Троицко-Посад ял илем администраций
Фото: Курык марий районысо Троицко-Посад ял илем администраций