Изи Какшан серым умбакыже тӱзландарат

           Йошкар-Олаште Гоголь ден Парк кӱварла коклаште эҥер серым пужен ыштымаш умбакыже шуйна. Изи Какшан эҥер сер Йошкар-Олаште илыше калыкын ик эн йӧратыме каныме вержылан шотлалтеш. Кызыт Ленин проспект деч Олалан 400 ий темме лӱмеш тӱвыра парк кокласе серым пужен ыштат. Пашазе- влак бетоным опташ опалубкым ыштеныт. Вес могырыштыжо чоҥышо- влак тротуарыш гранит шартышым оптат, тошкалтыш- влакым гранит плита дене комыжлат. Тымарте пляж кундемыште тошкалтышлан да йолешке корнылан бетоным велыктеныт. Ола мэрийын пресс-службыжын увертарымыже почеш, эҥер серым пужен ыштыме пашам республикысе адресан инвестиций программыш, ведоственный целевой программыш пуртымо. Ушештарена: тиде пашам шукташ кумылан прдрядчикым кумшо черетлан гына кычал мумо. Кок ганаже  ик йодмашымат пуымо огыл ыле. Тыге 135 миллион наре теҥгеаш пашам «Мостремстрой» предприятий шукта.
          Фото: Йошкар-Ола администрацийын пресс-службыжо.