Фуражлык шыдаҥ уло- документ уке

Марий Элыште сурткайыклан кондымо кугу тӱшка шыдаҥым умбакыже колташ чарыме. Тудлан келшыше документ уке. Сурт-кайыкым ончышо предприятийыш фуражлык шыдаҥым конденыт. Угрман да Марий Элысе Россельхознадзор виктемын специалистше- влакын ончыктымышт почеш 25 партий дене кондымо сатун тӱшка кугытшо тӱжемат 700 утла тонныш шуын. Тудым Ставрополь край гыч кондымо. Тидын годым специалист- влак оптен колтымо годым продукцийым верысе надзор органын тергыме нерген документше уке манын палемдат. Кызыт грузым чарен шогалтыме. Тудым кузе кучылтмо шотышто пунчалым ямдылат.