Марий Элыште вашке ончымо да колыштмо энциклопедийым войзат

Марий Элыштат Юл кундемысе калык- вакын аудиовизуальный энциклопедийыштым войзаш тӱҥалыт. Съемко- влак Башкортостан, Марий Эл, Удмуртий, Мордовий, Чуваший, Татарстан, Пермь край, Киров, Угарман, Оренбург, Пенза, Самара, Саратов, Ульяновск областьлаште эрта. Проектым «Содружество» социал да тӱвыра партнёрство рӱдер» коммерцийдыме автоном тӧнеж ден межэтнический журналистике Гильдийын Самара оласе пӧлкаже ямдыленыт. Съемко- влак июльышто тӱҥалыт да ноябрь мучаш марте шуйнат. Проектын презентацийже декабрьыште лийшаш. Видеофильмын геройжо семын усталык коллектив, ойыртемалтше исполнитель, профессионал коллектив, кидпаша мастар- влак лийын кертыт. Энциклопедийыш пурышо материал- влак верласе телеканаллаште ончыкталыт да областной тӱвыра да калыкле рӱдерлашке колтымо лийыт. Марий Элыште съемко- влак 10-12-шо августышто эртышаш улыт. Проектым шыҥдарыше площадкыже - Марий тӱвыра рӱдер лиеш.