«Бендериада» тений кум кече шуйна
Регион- влак кокласе «Бендериада» мыскара да сатира фестивальым ямдылыше- влак пайрем мероприятийын программыжым савыктеныт. 25-ше лӱмгече фестиваль кум кече шуйна- 25-ше гыч 27-ше июль марте. Изарнян 18 шагатат 30 минутышто Яков Эшпай лӱмеш калык тӱвыра рӱдерыште Российын сулло артистше Юрий Синьковскийын шындыме «Чапле сӱан» спектакль лиеш. Кугарнян туштак 18 шагатлан «Эллочка, Мадам да Графиня» конкурс-дефиле эрта. Тушто 20-шо ийласе модым ончыктат. Тӱҥ мероприятий- влак шуматкечын калыкым вучат. 10 шагатлан фестивальым концерт программе почеш. 23 шагатлан Юл серыште фейерверк пайремым мучашла.