Таче- Пограничникын кечыже

Таче элыштына Пограничникын кечыже палемдалтеш. Шке профессионал пайремыштым службым наҥгайыше пограничник, офицер да ветеран- влак пайремлат. Тиде войскан историйже курымла дене шотлалтеш, икымше пограничный заставе- влакым ыштымаш гычак. Акрет Русьышто тушман- влак деч аралалташ коремымат кӱнченыт, рокымат нӧлтен оптеныт. Тудын шеҥгелныже засечный стража верланен. Тидыже пограничный сужбо нерген икымше ушештарымаш. 1571-ше ийыште «Уложение о станичной службе» манме документ лектын. Тудо аралыме чыла радамым рашемден. Императрица Екатерина Вторая годым «Таможенная цепь да стража» службым ыштыме, 1827-ше ийыште «Положение об устройстве пограничной таможенной стражи» вийым налын. А пайремлан негызым пуышо событийже тиде лийын- 1918-ше ий 28-ше майыште калык комиссар- влак Советын Декретше дене РСФСР-ын чекшым Пограничник- влак дене аралымашым пеҥгыдемдыме. Но СССР-ыште Пограничникын кечыжым официально 1958-ше ийыште пеҥгыдемдыме.
Поро йӱла семын таче Йошкар-Оласе Машиностроитель- влак уремеш вераҥдыме Пограничник- влаклан чапкӱ воктеке пайрем митингыш уло республике гыч элнан чекыштыже службым эртыше- влак погыненыт ыле.