Абитуриент- влак тунемаш пураш документым электрон йӧн дене колтен кертыт
Республикысе выпускник- влак Российысе вузлашке документым дистанционно пуэн кертыт. Документым электрон йӧн дене пуымаш жапым да оксам аныклаш, чер деч аралалташ полша. Тидлан кӱлешан документ- влак да электрон подписьын сертификатше лийшаш. Электрон подпись дене пайдаланымаш вузым ойырен налме йӧным кумдаҥда, абитуриент вигак икмыняр вузыш документым пуэн кертеш. Но ушештараш уто огыл: чыла тунемме тӧнежшат документым электрон йӧн дене ок нал, кажныжын шке йодмашыже уло. Сандене приёмный комиссий деч умылтарымашым налман.