Кугу Сеҥымаш парад 24-ше июньышто лиеш

Кугу Сеҥымаш кечылан пӧлеклатше кумда парадым Российыште 24-ше июньышто эртараш палемдыме,- тыгай решений нерген Элын Президентше оборона министр Сергей Шойгун участвоватлыме совещанийыште ойлен. Тидын годымак «Курымашлык полк» калык патриот акцийын маршыже 26-шо июльышто Военно-морской флотын кечыжым пайремлыме кечын лийшаш. Верховный главнокомандующий Кугу Сеҥымашлан 75 ий темме лӱмеш военный парадлан ямдылалташ тӱҥалаш приказым пуэн. Ме тидым 24-ше июньышто эртарена. Лач тиде кечын 1945-ше ийыште Сеҥыше- влакын шарнаш кодшо исторический парадышт лийын. Йошкр Площадь мучко Моском да Ленинградым аралыше, Сталиград воктене кредалше, Европым утарыше да Берлиным штрум дене налше боец- влак ошкыл эртеныт, - каласен Владимир Путин. А теве Сеҥымаш парад ден «Курымашлык полкым» иканашате эртараш ок лий. Молан манаш гын, социал дистанцийым кучаш неле лиеш, олаласе уремла мучко тӱжем дене еҥ таҥ ошкыл эртышаш.