Наркотик ваштареш виктаралтше месячник тӱҥалын
Таче Республикыштына наркотик ваштареш виктаралтше месячник тӱҥалын да 26-шо июнь марте шуйна. МВД-н пресс-службыжын увертарымыж почеш КОВИД дене кылдалтше санитар- эпидемиологий ситуацийым ончыде, республикыште наркотик ваштареш виктаралтше ятыр профилактике мерпориятийым эртараш палемдыме. Нуно чылажат дистанционно ышталтыт. Мутлан, социал сетьыште «Марий Эл наркотик деч посна» акций лиеш. Самырык- влак полатын специалистышт флешмобым эртарат, Йошкар-Олан администрацийже доброволец- влакын полшымышт дене пырдыжлаште возымо наркотик нерген увер- влакым кораҥдат. Тыгак тӱрлӧ конкурс, семинар, видеолекторий- влак лийыт, ӱшан телефон пашам ышта. Месячникыш ушнаш шонышо- влак «ВКонтакте» сетьыште «Марий Эл наркотик деч посна» группышто возалт кертыт.
