Пудий деч шеклане!

Эртыше арняште Марий Элысе медицина тӧнежлашке 77 еҥ пудий пурлмо дене полышым йодын миен. Нунын коклашатак 14 ияш марте 18 йоча. Идалык тӱҥалтыш гыч пудий 383 еҥын капышкыже пижмым регистрироватлыме. Вӱрым йӱшӧ копшаҥге чодыраште веле огыл, чодыра деч тораште огыл верланыше илемлаште, паркла ден шӱгарлаштат лӱдыкшым луктеш. Сандене тиде пагытыште пеш тӱткӧ лийман.