Шошо пасу паша икшырымын кая

25-ше майлан республикысе районлаште икияшым ӱдышаш планым 75 процентлан шуктымо. Палемдыме 135 тӱжем 600 утла гектарже гыч 101 тӱжем 700 утла гектарыштыже икияшым ӱдымӧ. 90 утла процентым Шернур да У Торъял районласе предприятий-влак эртеныт. Звенигово ден Волжский районлаште паша сайын кая. Икияш пырчан да отызан культурым ӱдымӧ планым Марий Элыште планын 85 процентшылан темыме. Шернур район 103 процентышке, Волжский район 100 процентышке лектыныт. У Торъял, Морко, Звенигово район-влакат вараш огыт код.