Марий калык йомак тоштерыш калык кумылын коштеш
Идалык жапыште «Ший пӱян Ший Пампалче» марий калык йомак да калык усталык тоштерыште 7 тӱжем утла еҥ лийын. Тиде тоштер эше пеш самырык, кодшо ий 18-ше майыште веле почылтын, но тушко изижге-кугужге куанен коштыт. Турист-влакланат тудо моткоч келша. Шукерте огыл тушто икмыняр калык йомакым войзеныт. Нуным тоштерын сайтыштыже ончаш лиеш. Туштак моло оҥай материалым муаш лиеш. Кызыт коронавируслан кӧра тоштер онлайн режимыште пашам ышта. Тыгай йӧным кучылтын, тӱрлӧ виктариныште шкем тергаш, ончер-влакым аклаш лиеш.
