Советский район администрацийын ондакысе вуйлатышыже мэрын алмаштышыже лийын
Йошкар-Олаште мэрын алмаштышыжлан Советский район администрацийын ондакысе вуйлатышыже Антон Трудиновым шогалтеныт. Тиде должностьышке тудын кандидатурыжым Оласе погынын депутатше-влак черетдыме сессийыштышт пеҥгыдемденыт. Тиддеч ончыч ты пашам Лев Покровский шуктен. Тудо шке кумылын паша гыч каен. Советский районышто Антон Трудинов 2 ий наре веле пашам ыштен, но шкенжым сай, пеҥгыде вуйлатыше семын ончыктен, районым вияҥдымашке шуко вийым пыштен.
