Тачысе кечылан Марий Элыште 60 йоча сад пашам ышта
Марий Элым вуйлатыше Александр Евстифеевын указше почеш республикыште утларак ямде улмо пагыт 31-ше май марте шуйна. Тидын марте йоча садлаште дежурный группо-влак веле пашам ыштат. Май пайрем-влак деч вара ятыр предприятий ден оргнаизаций-влакын пашам ышташ тӱҥалмышт дене икшывыштым йоча садлашке коштыкташ кумылан-влак ятырлан ешаралтыныт. Республикысе туныктыш да шанче министр Наталья Адамован ойлымыжо почеш тачысе кечылан Марий Элыште 60 йоча сад пашам ышта. Тушко ик тӱжем утла икшыве коштеш.
