Республикыште шӱкшак кушкыл полдранвуч деен кучедалаш окса ойыралтеш

Республикыште шӱкшак кушкыл полдранвучым, рушлаже борщевик маныт, пытараш республикын бюдежтше гыч окса ойыралтеш. 10 район гыч 26 ял шотан илем Марий Элысе ял озанлык министерстве дене тидын шотышто ой-пидышым ыштен. Тений полдранвуч ваштареш кучедалме пашам 146 гектарыште эртараш палемдыме. 20-шо курым кыдалне элыштына полдранвучым вольыклан силосым ямдылаш шынденыт. Варарак тудын чот шарлымыже да экологийлан энгекым конден кертмыже нерген рашемын. Адакше тудо аяран, капым чот йӱлалтен кертеш. Ял озанлыкыште тиде кушклым шукертак кучылтмым чарненыт, но пӱртӱсыштӧ тудым пытараш неле.