13 ялысе туныктышо 1 миллион теҥге оксам налеш

Республикыштына 2020-шо ийлан «Земский туныктышо» программа иктешлалтын. Ялласе школаште чылаже 45 пашавер лийын. Йодмаш 47 пурен. Марий Элысе школлаште пашам ышташ кумылыштым шкенан республикына да пошкудо Татарстан, Чуваш республикла, Киров кундем гыч веле огыл, тыгак Санкт-Петербург, Москва, Самара, Оренбург олала гыч, Свердловск, Челябинск, Краснодар да моло кундем гычат лийыныт. Комиссий 13 педагогым ойырен. Нуно Звенигово районысо Шелангер, Курыкмарий районысо Йоласал, Марий Турек районысо Хлебниково, Тошто Торъял школлашке, Советский районысо Шнаран да Юрино районысо кок школышко пашам ышташ каят. Туныктышо-влаклан 1 миллион теҥге дене 1-ше декабрь марте тӱлышаш улыт.