Козьмодемьянск ола воктене у пристань лийшаш

Козьмодемьянск ола воктене Юл эҥерыште у пристань лач Стрелецкий часамла ваштареш лийшаш. Объект Республикым социально- экономически вияҥдыме программе кышкарыште чоҥалтшаш. Тудыжым 2024-ше ий марте шыҥдараш палемдыме. Ола администацийыште чыла шотлен лукмо, верже Стрелецкий часамла ваштареш лийшаш. Тудо кӱртньӧ бетон конструкций сынан лиеш. Тушко пассажир теплоход- влак шогалаш тӱҥалыт. Кызытсе дебаркадереш изи судно- влак гына чарнен кертыт, а кугу, ныл палубан теплоход- влак воктеч эртен каят. Тыге олашке  ятыр турист логалде кодеш. У причал пырдыж Козьмодемьянскым турист- влаклан кумданрак почшаш.