Килемар районышкат газ толшаш

«Газпром» концерн Марий Эл ден Киров областьым газифицироватлыме проектым ойырен налын. Тудын еҥже- влакын увертарымышт почеш, компаний Юл кундемыште кок газопровод ден газораспределительный станцийым чоҥаш шона. Тыге Киров областьысе район- влак гына огыл, Марий Элысе кок районышкат газым пуртымо лиеш. Специалист- влак газым пурташ ямдылыме кум проект гыч эн келшышыжым ойырен налыныт. Проект почеш «Йошкар-Ола- Оршанка» да «Лебяжск- Советск» пучым чоҥаш палемдыме. Тыге Марий Элысе Оршанке да Килемар районлашке газ толшаш. Тудо «Марий нефтеперерабатыатлыше завод» газораспределительный станций дек ушалтеш. Тыге 116 тӱжем еҥ газ дене пайдаланаш тӱналеш. Газпром шке оксаж дене посёлкыла кокласе пучым чоҥа,  а верысе кучем уремласе пучым шупшеш, котельныйым чоҥа да пӧрт- влакым газым пурташ ямдыла.