Таче илалше- влакын тӱнямбал кечышт.

Таче илалше- влакын тӱнямбал кечышт. Марий Элым вуйлатыше Александр Евстифеев ветеран-шамычым  да кугурак тукымым тиде кече дене саламла. Тудо палемда: тиде пайрем кугурак тукымым аклыме да пагалыме символлан шотлалтеш. Тид е кечын нунылан кызытсе да ончыкылык илышыш надырым пыштымыштлан таум каласаш йӧн улеш. Кугурак тукым тӱрлӧ мероприятий дене волонтёр организацийлаште чолган пашам ышта. Республикысе правительство нунылан илаш сай йӧным ышташ тырша. Тидлан Элын президентше Владимир Путинын тӱҥалме калыкле проект- влакат полшат. Республикым вуйлатыше кугурак тукымыш пурыш чыла еҥлан тыршыме пашатлан, элым йӧратымыштлан таум ойла да республикысе калыкым кугурак ийготан лишыл еҥышт вер тыршаш ӱжеш. Чылалан тазалыкым, кужу ӱмырым да ӱшаным тылана.
                Мемнан Марий Эл ГТРК-ан коллектившат телевидений ден радиошто ятыр ий дене пашам ыштыше, кызыт сулен налме канышыште улшо коллегына- влакым тиде волгыдо кече саламла. Ончыкыжат пеҥгыде кыллан ӱшана да поро каҥашым вуча. Тыгаяк илышым йӧратыше, поян опыт дене пайлалташ ямде улшо, телевидений ден радион ӱшанле йолташыже лийыда манын ӱшаным каласа. Таза лийза, аралыза шкендам.