Республикым вуйлатыше Россий Федерацийын ял озанлык министржын икымше алмаштышыже Джамбулат Хатуов дене вашлиймашым эртарен
Республикым вуйлатыше Александр Евстифеев Марий Элыш толшо Россий Федерацийын ял озанлык министржын икымше алмаштышыже Джамбулат Хатуов дене вашлиймашым эртарен. Нуно ял озанлык дене кылдалтше ятыр йодышым каҥашеныт: льготан кредитований, ял озанлык мландым оборотыш пӧртылтымаш да ял кундемлам вияҥдымаш. Марий Элым вуйлатыше паша показатель- влакым ушештарен. Кочкыш сатум лукмо индекс кодшо ийлаште 115 процент лийын, ял озанлык продукцийым 110 процент, продуктым 50 миллиард утла теҥгелан ыштен лукмо. Республике шкаланже шке сатум ситышын ыштен луктеш. Шылым 395 процентлан, муным 110, саскам 129, паренгым 138, шӧрым 101 процентлан ситара. Кодшо ийын да тений курал-ӱдымо мланде кумдыкым 11 тӱжем гектарлан ешарыме. Министерствылан да федерал кучемлан кугу тау, манын каласен Евстифеев. Озанлык- влак льготан кӱчык жаплан кердитым кок миллиард утла теҥгем налыныт. Ончыч тыгай уке ыле. Кугыжаныш полышын кугытшо ик миллиард теҥге лийын. Республикым вуйлатыше тыгак йытын пасум кугемдыме нерген ойлен. Российысе ял озанлык министрын алмаштышыже палемден: пытартыш ийлаште республикыште ял озанлык призводство кугем толеш, министерствын чыла темлымашыже шукталтеш, тидыже куандара.