Михаил Мишустин Республикым вуйлатыше дене вашлийын
Россий правительство председательын паша дене коштмо кышкарыште Михаил Мишустин Республикым вуйлатыше дене вашлиймашым эртарен. Элын премьер-министрже республикым социально-экономически вияҥдыме индивидуальный программыш пуртымо мероприятий- влакым шындарыме нерген йодыштын. Тыгак тудо келге да поян программым ямдылымылан Александр Евстифеевлан таум каласен. ЗПП-м, «Йола» агрохолдингым очышна. Марий Эл индивидуальный программан 10 регион кокла гыч иктыже. Ме вич миллиард теҥге оксам ойырена. Сандене вияҥме паша кузе кайыме нерген палыме шуэш ыле манын. Республикым вуйлатышын мутшо почеш, программын чыла пунктшо денат паша радамын шукталтеш. Федерал полышлан кӧра агропромышленный комплексат вияҥеш, промышленностьыштат ончык кайымаш коеш. Илыме вер да коммунал озанлык уэмеш, траснпорт саемеш. Аэропорт, автовкзал, причал теме деке тӱткышым ойырымыланда тау манын. Перинатал рӱдерым чоҥаш тӱҥалме. Александр Евстифеев Россий правительствын еҥже- влаклан, чоҥымаш министерствылан курироватлен шогымыжлан таум каласен да умбакыжат пырля пашам ышташ ямде улына манын.