Россий Правительствым вуйлатыше Михаил Мишустин таче Марий Элыш толын

Россий Правительствым вуйлатыше Михаил Мишустин таче Марий Элыш толын. Тудын дене пырля промышленность министр Денис Мантуров, финанс министр Антон Силуанов, чоҥымаш министр Владимир Якушев толыныт. Михаил Мишустин Йошкар-Оласе промышленный объектлаште лийын. Тудлан Йошкар-Оласе шыл комбинатын, Полупроводник прибор- влак заводын куатшым ончыктеныт, тӱрлӧ отрасльыште республикым мом ыштен кертмыж нерген ойленыт. Тиддеч посна Михаил Мишустин Александр Евстифеев дене вашлиймашым эртарен. Нуно Марий Элым социально-экономически вияҥдыме индивидуальный программым умбакыже шыҥдарыме пашам каҥашеныт. Вара республикысе ял озанлык сатум ыштен лукшо- влак дене вашлиймаш эртен.