Эрла Марий калыкын 11-ше погынжо почылтеш
Эрла Марий калыкын 11-ше погынжо почылтеш. Тудо противоэпидемиологий йодмашым тӱрыс шуктен эртаралтеш. Икымше гыч кумшо октябрь марте шуйнышо погынышто 19 регион гыч 391 делегат участвоватла. Калык шуко лиеш, сандене чыла мерым эскерыман.- Тидын нерген коронавирус ваштареш кучедалше Оперативныйц штабын заседанийыштыже ойлымо. Ӱжмӧ уна- влакын чотыштым шагалемдыме. Пашаште делегат да организатор- влак участвоватлат. Делегат- влакым санитар нормо йодмо почеш куд унагудышто вераҥдат. Кокымшо –кумшо октябрьыште паша кечым минут еда возен шеледыме. Пурымо годым температурым висат, кидым дезинфицироватлат, маскым пуат. Пленарный заседаний- влак кум шагат деч шуко шуйнышаш огытыл. Ончыгече да теҥгече 224 делегатым Ковидлан лабораторно тергыме. Александр Евстифеев палемден: марий калыкын 11-ше погынжо – кӱлешан мер-политик паша. Тудо йылмым, тӱвырам, йӱлам арален кодымашке, калык коклаште кылым вияҥдымашке виктаралтын.