Районлаштат корным чоҥат
Калыкле проектлан кӧра республикысе корнылаште паша рӱж воранен толеш. Тиде сомыл районлаштат шукталтеш. Корным олмыктымо сомылым «Марий Эл Дорстройын» пашазыже- влак шуктат. Нуно икмыняр корным Марий Турек районышто ыштеныт. Кызыт Шернур районысо Казанский села воктене, У Торъял районысо Масканур кундемыште паша кая. Предприятийым вуйлатыше пашан кузе ушнен толмыжым шке терген коштеш. Теҥгече тудо Оршанка районысо кок объектыште лийын. Тушто посёлкысо урем деч посна районысо корнымат олмыктат. Ик объектше Ӧрша гыч Упшаш кайыше корно, весыже- Оршанке гыч Табашиныш. Иктыжын кужытшо кок меҥге утла, тушто олмыктымо сомыл шукталтеш. Весыже- кок меҥге кужытан. Тушто корно шартышым капиально олмыктат. Игече изиш чаракым ышта. Сандене жапыштыже шукташ манын, пашазе- влак каныш кечылаштат тыршат. Ончыкылык нерген ойлымо годым, предприятийым вуйлатыше вес ийлан пашам эше писынрак ышташ шона да 150 меҥге кужыт корным олмыкташ палемда.
