Пӱтынь элысе семынак таче Марий Элыште Президентым сайлымаш тӱҥалын
Таче 8 шагат эрдене Марий Элыште сайлыме участке- влак почылтыныт. 15-ше, 16-шо, 17-ше мартыште республикыште 494 сайлыме участке пашам ыштат. Таче элна мучко Российын Президентшым сайлена. Республикыште 526 тӱжемат 941 сайлыше уло. Республикым вуйлатыше- влак ик эн ончыч шке йӱкыштым пуэныт.
Марий Элым вуйлатыше Юрий Зайцев республикысе калык деке обращений дене лектын. Тудо уло тӱнялан икоян улмым, чак шогымым, сеҥаш лийдымым ончыкташ да граждан порысым шукташ ӱжын. Российын Президентшым сайлымаш историйыште путырак кӱлешан событий. Кажне еҥын порысшо- тиде 15-ше гыч 17-ше март марте сайлыме участкыш мияш да элнан ончыкылыкышкыжо шке надырым пышташ.- каласен тудо. Регистрироватлыме кандидат- влак коклаште пашам ыштыше глава Владимир Путин, депутат- влак Николай Харитонов, Леонид Слуцкий да Владислав Даванков.
Марий Элыште сайлымашым эскерыште мер рӱдер пашам ышташ тӱҥалын. Тудо Йошкар-Оласе «Марий Эл» Ий полатыште верлана. Специалист- влак онлайн режим дене йӱклымашым эскерен шогат. Республикыште видеоэскерымашым 250 участковый сайлыме комиссийыште эртарат. Моло участкыште видеоэскерымаш вийзалт мия. Рӱдерыште автоматизировталыме 10 паша вер уло. Тушто Штаб гыч волонтёр-эскерыше- влак пашам ыштат,- каласен мер эскерыше Штабым вуйлатыше Евгений Кузнецов.
Фото: Марий Элым вуйлатышын администрацийжын увер дене пашам ыштыше пӧлкаже.
Марий Элым вуйлатыше Юрий Зайцев республикысе калык деке обращений дене лектын. Тудо уло тӱнялан икоян улмым, чак шогымым, сеҥаш лийдымым ончыкташ да граждан порысым шукташ ӱжын. Российын Президентшым сайлымаш историйыште путырак кӱлешан событий. Кажне еҥын порысшо- тиде 15-ше гыч 17-ше март марте сайлыме участкыш мияш да элнан ончыкылыкышкыжо шке надырым пышташ.- каласен тудо. Регистрироватлыме кандидат- влак коклаште пашам ыштыше глава Владимир Путин, депутат- влак Николай Харитонов, Леонид Слуцкий да Владислав Даванков.
Марий Элыште сайлымашым эскерыште мер рӱдер пашам ышташ тӱҥалын. Тудо Йошкар-Оласе «Марий Эл» Ий полатыште верлана. Специалист- влак онлайн режим дене йӱклымашым эскерен шогат. Республикыште видеоэскерымашым 250 участковый сайлыме комиссийыште эртарат. Моло участкыште видеоэскерымаш вийзалт мия. Рӱдерыште автоматизировталыме 10 паша вер уло. Тушто Штаб гыч волонтёр-эскерыше- влак пашам ыштат,- каласен мер эскерыше Штабым вуйлатыше Евгений Кузнецов.
Фото: Марий Элым вуйлатышын администрацийжын увер дене пашам ыштыше пӧлкаже.