Марий Турек посёлкышто 168 еҥ у пачерлашке кусна

            Марий Турек посёлкышто аварийный пӧртла гыч 168 еҥ у пачерлашке кусна. У пачер оза- влаклан сравочым Марий Элым вуйлатыше Юрий Зайцев кучыктен. Тудо палемден: калыклан илаш сай йӧным ыштымаш- Россий да Марий Эл Правительствылан кӱлешан задачышт. Полышын ик мерыжлан аварийный пӧртла гыч калыкым кусарымаш шотлалтеш. Республикыштына 2019-ше гыч 2022-шо ий марте  да тенийсе латик тылзыште вич тӱжем утла еҥым кусарыме, 88 тӱжем квадрат метр аварийный илыме верым пытарыме. Тений идалык мучаш марте эше 13 тӱжем квадрат метр тошто илемым пытарен, тӱжемат 194 еҥым кусараш палемдыме. Тидлан куд шуко пачеран пӧртым чоҥен пытарен, эксплуатацийыш пуышаш улыт. Республикым вуйлатыше  вучымо событий дене саламлен да ик пачерым ончен лектын. Пачер йӧнан, волгыдо, зал йоҥгыдо. Чыла чаплын ыштыме,- ойлат у оза- влак.
             Фото: Марий Элым вуйлатышын  администрацийжын увер дене пашам ыштыше пӧлкаже.