Марий Элым вуйлатыше Волжск олаште азам ыштыме у пӧлкам почын

             Марий Элым вуйлатыше республикыште кугыт шот дене кокымшо Волжск олаште азам ыштыме у пӧлкам почын. Тудо талукышто тӱжемат пеле йочам шочыкташ келыштаралтын. Тушто Волжск оласе, Волжский, Морко да Звенигово районла гыч 30 тӱжем ӱдырымашым обслуживатлат. Тымарте мӱшкыран ӱдырамаш- влак шӱдӧ утла меҥге торашке Йошкар-Олаш коштыныт. Чоҥымо, технически пойдарыме пашам республикым социал-экономик велым вияҥдыме индивидуал программе кышкарыште шуктымо. Объектын акше 500 миллион теҥгем эртен. Кум пачашан у зданийым улшо корпус дене ушымо. Волжск оласе рӱдӧ эмлыме верын тӱн врачше Дмитрий Фризинын мутшо почеш у пӧртыштӧ у медицина оборудованийым шындыме. Республикым вуйлатыше кундемысе калыкым эше ик кужун вучымо кӱлешан объектым почмо дене саламлен.
             Фото: Марий Элым вуйлатышын  администрацийжын увер дене пашам ыштыше пӧлкаже.