Юрий Зайцев социал кӱлешан спорт да тӱвыра объектлам ончен

             Марий Элым вуйлатыше социал кӱлешан спорт да тӱвыра объектлам ончен. Республикым вуйлатыше Волжск олаш паша дене мийымыже годым  спортын кӱлешан социал объектше «Ариада» ий да унагудо комплексым ончен. Зданий посна озан кидыштыже улеш, тудо икмыняр ий объектым ок кучылт. Тудын дене пайдаланаш олмыктымо пашам эртараш кӱлеш. Юрий Зайцевын мийыме вес объектше Оласе тӱвыра рӱдер лийын. Зданийым 1972-шо ийыште чоҥымо, тудымат капитально олмыкташ кӱлеш. Инженер коммуникацийжат, леведышыжат, ырыктыме, вентиляций системыжат, ончымо залжат шолдырген. Ончымо деч вара Республикым вуйлатыше совещанийым эртарен да палемден: оласе объект- влакым шотыш кондаш кӱлеш.
             Фото: Марий Элым вуйлатышын  администрацийжын увер дене пашам ыштыше пӧлкаже.