«Партий десант» Морко районышто школым олмыктымо пашан кузе кайымыжым терген

                 «Партий десант» Морко районышто школым олмыктымо пашан кузе кайымыжым терген. «У школ» партий проект кышкарыште пашаче группа Шеҥше кыдалаш школым капитально олмыктымо пашам кузе виктарымым ончен лектын. Десант радамыште Район администраций пашаеҥ Светлана Иванова, Кугыжаныш Погынын депутатше Наталья Пушкина, район даминистрацийым вуйлатышын икымше алмаштышыже Гарафий Хуснутдинов, районысо туныктыш пӧлкам вуйлатыше Владимир Кирчанов лийыныт. Школын кум пачашан пӧртшым 1968-ше ийыште чоҥымо. Кызыт тушто 113 йоча тунемеш. Олмыктымо жаплан ӱдыр-рвезе- влак йоча садыште тунемыт. Капитально олмыкташлан 52 миллион утла теҥгелан контрактым ыштыме. Олмыкташлан объектым ямдылыме: тошто кӱварым, сантехникым, радиаторым, пырдыжым комыжлымым рончен налме. Кызыт электровоштырым вашталтат, канализаций да вӱдым ситарыме сеть- влакым монтироватлат, пырдыжым тӧрлен шымартат да плиткам пижыктат, лишыл кечылаште окнам шындаш да леведышым ышташ тӱҥалыт. Икымше сентябрьыште тунемше- влак уэмдыме школын парткоклашкыже шинчыт. Школ моло кызытсе жаплан келшыше тунемме тӧнеж деч ойыртемалташ ок тӱнал,- каласен Светлана Иванова.
            Фото: «Единый Российын» верысе пӧлкаже.