Козьмодемьянскыште эрла 18-ше гана Игнатьев лудмашке погынат

              Козьмодемьянскыште эрла 18-ше гана Игнатьев лудмашке погынат. Республикысе шанче-практик конференций тиде гана Чыкма олам негызлымылан 440 ий теммылан пӧлеклалтеш. Тушко шанчыеҥ, кугыжаныш служащий, туныктыш да тӱвыра тӧнеж- влакын пашаеҥышт, журналист, студент да аспирант, мер пашаеҥ- влак погынат. Историй да тӱвыра йодышым каҥашыме деч посна, конференцийыште специализироватлыме сылнымутым, кидпаша сымыктышым ончыктышо выставке пашам ышта. Тӱвыра министерстве ушештара: Игнатьев лудмашым эртараш филологий шанче доктор, МарГУ-н почётан профессоржо Лидия Васикова темлен. Икымше форумжо 2001-ше ийыште эртен. Тушто курык марий сылнымутлан негызым пыштыше, икымше марий романын авторжо Никон Игнатьев лӱмеш конференцийым кажне ийын эртараш дв Игнатьев лудмаш манын лӱмдаш кутырен келшыме.
             Фото: Тӱвыра министерстве (архив).