Кундемыштына уэш йолорвам шолыштмо тургым тӱҥалын
Кундемыштына уэш йолорвам шолыштмо тургым тӱҥалын. Медведево полиций пӧлкан дежурный частьышкыже Оршанке посёлкышто илыше 37 ияш ӱдырамаш йодмашым возен. Тудын каласкалымыже почеш, палыдыме еҥ пӧртйымалне аралалтше велосипедым шолыштын. Ыштыме эҥегек вич тӱжем теҥгеш шуын. Уголовный розыскын пашаеҥже- влак шолыштшо еҥым кычал муыныт. Тиде верысе 53 ияш ондак судитлалтше еҥ улмаш. Тудо йолыштыдымо велосипедым ужын да вӱдалтен каен. Техникым поген налме, уголовный пашам тарватыме,- увертара МВД-н пресс-службыжо.
