Чоҥышо- влак кызыт дефектовкым ыштат

             Йошкар-Олаште икымше май гыч кудывечылам олмыкташ лектыт. Чоҥышо- влак кызыт дефектовкым ыштат. Тидыже мо тыгай?. Мэрын алмаштышыже Лев Покровскийын мутшо почеш, тиде кундемым ончен шымлен лекмаш, мыняр пудыргымым, корнын мыняр шаланымжым аклымаш. Тидыже мыняр пашам шуктеш кӱлешым, тудын мыняр шогымыжым пален налаш полша. Корно пашазе- влак кызыт лач тиде сомылым шуктат. Дефектовка годымак социал тӧнеж- влакын улмыштым ончат, кажне кудывечыште мыняр еҥ илымым шотлат. Тидыже эн ончыч ыштышаш пашам рашемда. Икымше торгым апрель тӱҥалтышыште увертарат да икымше май гыч икымше кудывечым олмыкташ тӱҥалыт. Тидыже- Петров уремысе нылымше пӧрт кудывече лиеш, - каласен Лев Покровский.
         Фото: Лев Покровский.