Марий спортсмен- влак Российын чемпионатышкыже каеныт
Таче Чебоксарыште элысе эн тӱҥ куштылго атлетике старт почылтын- Российын чемпионатше. Марий Эл гыч тушто 7 спортсмен таҥаса. Тренер Виталий Воронцовын мутшо почеш республикын чапшым Артём Аликов, Даниил Жуйков, Наталья Кожина, Людмила Лебедева, Артур Матвеев, Никита Чирков да Кирилл Сидоркин аралаш тӱналыт. Нуным чылаштымат старт кагазыш пуртымо. Российын тенийсе Чемпионатше 100-шӧ гана эрта да 27-ше июль марте шуйна. Тушко Российысе 700 наре эн виян спортсмен чумырген.
