Марий Элыште икымше гана кугыжаныш контрактым кужу жаплан ыштыме
Республике икымше гана кок кугыжаныш контрактым илыш цикл дене келшышын пеҥгыдемден. Тидыже подряд организаций- влакым сайын пашам ышташ кумылаҥда да «Корно озанлыкым вияҥдыме тӱшка мера- влак» регионысо проект кышкарыште пеҥгыдемдыме гарантийым арален кодаш полша. Тыгай контракт подрядчиклан кугыжаныш велым полышым пуа, эрласе кечылан ӱшаным шочыкта, ресурсым ончылгоч шотлаш, изирак ак улмо годым корным чоҥымо материалым налаш, сотрудник- влакым туныкташ йӧным пуа. Контракт почеш кужу жаплан соглашений ышталтеш. Тудын дене келшышын, исполнитель капитально олмыктымо, тыглай олмыктымо да объект дене умбакыже пайдаланыме шотышто обязательствым налеш. Тидын годым контракын вийыште улмо жапыште исполнительлан договор почеш оксам тӱлат. Контрактым 6 ийлан пеҥгыдемдыме. Икымше контракт Оршанке- Упша да Изи Ӧрша- Кугу Ӧрша корно- влак дене кылдалтын. Кокымшо контрактше Морко ден Уньжинский корно шотышто ышталтын. Тиде кум корно ужаш 12 меҥге утлаш погына. Тичмаш акше 164 миллион теҥгеш шуэш. Тушечын 6 ийлан корным олмыкташ 128 миллион, корным кучаш 36 миллион палемдалтеш.