Куженерыште ечызе- влак таҥасеныт

             Кодшо кечылаште Куженер посёлкысо ече трассыште ечызе- влак коклаште Куженер районысо куштылго атлетике виш кросс эртен. Тушко Куженер, Шернур, Марий Турек, Звенигово, У Торъял, Морко районла да Йошкар-Ола гыч  150 наре спортсмен ушнен. Нуно ийгот шот дене икте, кокыт да кум меҥге кужытышто таҥасеныт. Мутлан, 9 ияш- влак коклаште Шернур гыч Ярослав Элембаев ден Ксения Чемышева сеҥышыш лектыныт гын, 50 да кугурак ийготан- влак коклаште Вячеслав Чемеков (Торъял) ден Морко гыч Вера Путилова,  60 да кугурак ийготан- влак коклаште Шернур гычак Геннадий Макаров ончылно лийыныт. Кажне ийгот тӱшкаште сеҥыше да призёр- влак Куженер район администрацийын самырык политике да спорт пӧлкажын грамота ден медальжым налыныт.
            Фото: Куженер район администраций.